رووداو دیجیتاڵ
سەرچاوەیەکی باڵای سەربازی لە هێزەکانی سووریای دیموکرات (هەسەدە) بە تۆڕی میدیایی رووداوی راگەیاند، لە ماوەی سێ رۆژی داهاتوودا 28 ئەفسەری ئەوان، دەچنە کۆلێژی سەربازیی سەر بە وەزارەتی بەرگریی سووریا لە شام.
بەپێی زانیارییەکانی ئەو سەرچاوە باڵایە بۆ رووداو، ئەمە یەکەمین کۆمەڵەی ئەفسەرانی هەسەدەیە کە بۆ وەرگرتنی مەشق و راهێنانی سەربازی رەوانەی دیمەشق دەکرێن.
لە کۆی ئەو 28 ئەفسەرە، 18یان خەڵکی هەرێمی جەزیرەن و 10 ئەفسەرەکەی دیکەش خەڵکی ناوچەی کۆبانێن.
بابەتی پەیوەندیدار
کوردستان١٤ کاژێر پێش ئێستا
قەیرانی خوێندنەوە لە سلێمانی؛ لە هەر 1200 کەس یەک کەس سەردانی کتێبخانەی کردووە
کوردستان13/04/2026
سەرۆکوەزیرانی بەریتانیا دەچێتە کەنداو؛ گەرەنتیی بە کراوەیی هێشتنەوەی تەنگەی هورمز تاوتوێ دەکات
سەبارەت بە ئامانجی ناردنی ئەو ئەفسەرانە، سەرچاوەکە ئاماژەی بەوە کردووە، کە ئەو ئەفسەرانە دەبنە فەرماندەی ئەو لیوایانەی کە بڕیارە بەپێی رێککەوتنی 29ی کانوونی دووەم پێکبهێندرێن.
ماوەی خولی مەشق و راهێنانەکەیان لە نێوان شەش مانگ بۆ ساڵێک دەبێت و ئامانج لێی ئامادەکردنی فەرماندەی لیوا و کەتیبەکانە. دوای تەواوکردنی خولەکەش، پلەی سەربازیی باڵایان وەک عەمید و عەقید پێدەدرێت.
هەمان سەرچاوە ئەوەشی ئاشکرا کرد، کە لە پلاندایە لە داهاتوودا کۆمەڵەیەکی دیکەی ئەفسەرانی هەسەدە رەوانە بکرێن، بە مەبەستی مەشقکردن و ئامادەکردنیان وەک فەرماندەی سریە.