Hewlêr (Rûdaw) - Wezîrê Enerjî û Çavkaniyên Xwezayî yê Tirkiyeyê Alparslan Bayraktar îdiayên qutkirina gaza xwezayî ya ji Îranê diçe Tirkiyeyê red kirin.
Wezîrê Enerjî û Çavkaniyên Xwezayî yê Tirkiyeyê Alparslan Bayraktar diyar kir ku di peydakirina gazê de ti pirsgirêkên wan nînin.
Alparslan Bayraktar doh piştî civîna kabîneyê Tirkiyeyê, pirsên rojnamegeran bersivandin.
"Ti pirsgirêk nînin"
Bayraktar li ser îdiayên ku dibêjin "piştî êrişên Îsraîlê yên li ser qadên gazê yên Îranê, şandina gazê hatiye rawestandin" got:
"Tiştekî wiha nîne. Di peydakirina gaza xwezayî de ti pirsgirêk nînin. Navendên me yên depokirinê niha ji sedî 71 tije ne."