رووداو دیجیتاڵ
لە کاتێکدا تاران هەر جۆرە گفتوگۆیەک لەگەڵ واشنتن رەتدەکاتەوە، سەرۆکوەزیرانی بەریتانیا رایگەیاند، ئاگادارن دانوستاندن لە نێوان ئەمریکا و ئێراندا هەیە بۆ کۆتاییهێنان بە جەنگی رۆژهەڵاتی نێوەڕاست و پێشوازی لەو هەنگاوە دەکات.
رۆژی دووشەممە، 23ی ئاداری 2026، کییەر ستامەر، سەرۆکوەزیرانی بەریتانیا لەبەردەم لیژنەیەکی پەرلەمانی وڵاتەکەی رایگەیاند: "من پێشوازی لەو راپۆرتانە دەکەم کە باس لە دانوستاندنی نێوان ئەمریکا و ئێران دەکەن."
سەرۆکوەزیرانی بەریتانیا بە فەرمی پشتڕاستی کردەوە، شانشینی یەکگرتوو "ئاگادارە" گفتوگۆ لە نێوان ئەو دوو وڵاتەدا بەڕێوەدەچێت.
بابەتی پەیوەندیدار
جیهان 11/04/2026
دانوستاندنەکانی نێوان ئەمریکا و ئێران بە چ شێوازێک بەڕێوەدەچن؟
جیهان 08/04/2026
ئاگربەستی ئەمریکا و ئێران راگەیێندرا
بەگوێرەی راگەیێندراوی نووسینگەی سەرۆکوەزیرانی بەریتانیا، درەنگانی رۆژی یەکشەممە ستامەر بە تەلەفۆن قسەی لەگەڵ دۆناڵد ترەمپ، سەرۆکی ئەمریکا کردووە و لەو بابەتە ئاگادار کراوەتەوە.
ئەم لێدوانەی سەرۆکوەزیرانی بەریتانیا پاڵپشتییە بۆ قسەکانی ترەمپ، کە پێشتر رایگەیاندبوو "خاڵی هاوبەشی گەورە" لە نێوان هەردوولادا هەیە و بۆ ماوەی پێنج رۆژ هێرشەکانی سەر وێستگەکانی کارەبای ئێرانی راگرتووە.
لە بەرامبەردا، وەزارەتی دەرەوەی ئێران و میدیای فەرمیی ئەو وڵاتە بە تووندی هەبوونی هەر جۆرە دانوستاندنێکیان لەگەڵ ئەمریکا رەتکردووەتەوە و لێدوانەکانی ترەمپیان وەکو هەوڵێک بۆ "دابەزاندنی نرخی نەوت" ناوبردووە.