رووداو دیجیتاڵ
بینای فەرماندەیی یەکەی فریاگوزاریی پۆلیسی ئێران لەسەر رێگەی "مەخسووس" لە تاران بە تەواوی خاپوور بووە. بۆردوومانەکە رۆژی 19ی ئەم مانگە کراوە بەڵام ڤیدیۆکان ئەمڕۆ بڵاوکراوەتەوە.
سەرچاوە خۆجێییەکان و چەند گرتەیەکی ڤیدیۆیی کە لە تۆڕە کۆمەڵایەتییەکان بڵاوکراونەتەوە، ئاماژە بەوە دەکەن هێرشێکی چڕ کراوەتە سەر ناوەندی فەرماندەیی یەکەی فریاگوزاریی تاران، دەکەوێتە بەرامبەر فڕۆکەخانەی "میهرئاباد".
بابەتی پەیوەندیدار
ئێران 25/03/2026
وەزیری دەرەوەی ئێران: هیچ دانوستاندنێک لە ئارادا نییە
ئێران 25/03/2026
مەشهەد بەچڕی بۆردوومان دەکرێت
بەهۆی کاریگەریی هێرشەکەوە، بینای فەرماندەییەکە بە تەواوی وێران بووە. یەکەی فریاگوزاری یەکێکە لە یەکە گرنگەکانی پۆلیسی ئێران کە بۆ ئەرکی تایبەت و کۆنترۆڵکردنی ناڕەزایەتییەکان بەکاردێت.
تاوەکو ئێستا، لایەنە فەرمییەکانی ئێران هیچ روونکردنەوەیەکیان لەبارەی هۆکاری وێرانبوونی بیناکە و ژمارەی کوژراو و بریندارە ئەگەرییەکان بڵاونەکردووەتەوە.