Çemê Munzurê
Dêrsim (Rûdaw) - Li parêzgeha Dêrsimê ya Bakurê Kurdistanê, Çemê Munzurê di ser re avêt û rêya di navbera Dêrsim û navçeya Pulurê de hat girtin.
Li Bakurê Kurdistanê barîna baranê didome.
Bi hatina biharê re berfa li çiyayan jî dest bi helînê kir.
Li Dêrsimê jî ji ber baranê û helîna berfê asta ava Çemê Munzurê bilind bû.
Ji ber rabûna avê, rêya di navbera Dêrsim û navçeya Pilûrê de ji çûn û hatinê re hat girtin.
Parêzgariya Dêrsimê doh ragihand ku ji ber barana zêde Çemê Munzurê di ser re avêtiye.
Li gorî daxuyaniyê, rêya Dêrsim, Pilûrê û Zerenikê ya di navbera kîlometreyên 15 û 60î de, piştî saet 15:30î ji çûn û hatina wesayîtan re hatiye girtin.
